الأربعاء، 27 يناير 2010
الجمعة، 8 يناير 2010
فيرس
طارت !
محاولتش تمسكها
ايديك اترعشت
عجزت وقلبك
من هبلك شاخ
جبروتك
اتسرسب منك
كرابيجك
مابقتش تلسوع غيرك
بتفرح فيك اللى يحبك
والشمتان
------
حلمك ببطولة اسطورة
اتخفى فتوب الموت
انت الفارس
بس السيف مبقاش بيعور
وحصانك بقى بغل
والذل :
فيرس
بيهد ف جسمك
وف احساسك باللى معاك
بيعلم على قلبك
بيخدر فرحتك الجاية
------
لو ع الناس
اطمن
مش ح تعيش فى قلوبهم
هيقولوا : الفيرس
هيقولوا : مشاعرك
هيقولوا ...
فكك
نام فى امان
من وحدة لوحدة
---------
ويتر
بيفرق قهوتك السادة
ومافيش حد بيبكى
عليك
عبدالسميع عبدالله
7 يناير 2010
الأربعاء، 6 يناير 2010
مسألة
صرخة .. فألم ..
فجراح .. فندب ..
فنار وحرب ومهزلة
والكل متقاس ع الورق
بالمنقلة
صور يا صاحبى اللقطة دى:
مجروح .. بيقطر دم ع الارض الخضار
تطرح شجر.
ييجى الغشيم ويقطعه .. !
قال ايه !
هايعمل بيه خشب
قوم يقحرقه
ويقول :
"دة بيدفى فليالى السقعة من برد الشتا".
واول ماتلسع نارها ايده !
يلعن اللى فيوم زرع.
صور كمان :
هملت
ماهوش قادر بكون وسط الكون
هملت كما قال شكسبير
لازم يكون فيه مساله
علشان يقوم ويحلها
وياريته حتى حلها
مفلحش غير يلمح اوفيليا من بعيد
ويمد ايده فى الهوا
ما يطولش حتى تبصله لو باحتقار
يجرى على الوصله يلاقى ميت اوفيليا
وبسرعة ينسى المسالة
لو حتى قبله فى الطريق بدل الشبح
مليون شبح
لو لسة فيه عندك مكان جوة الشريط
صور كمان الرقصة دى:
على نغمة التانجو الرقيقة
عنترة العبسى بيرمى السيف بعيد
وفحضن عبلة بيترمى
ويدوب
وهى تدوب كمان
العين بتتكلم مع العين بانسجام
و القلب تعلى دقته
هى الايقاع
والنغمة صوت الزقزقة
اما الشفايف
كل ثانية يقربوا..
ويقربوا...
ويقربوا ...
لحد ما
خلص الشريط...
الاشتراك في:
الرسائل (Atom)