مووت

مكتوب على سدرك
موت
واتكفن بالاحلام البيضة
واتعفن فتابوت الواقع
زغرت م الفرحة.. بجنة اوهام امبارح
عيدك جى
بس انت اتكتف
واتعبد للحبل المربوط فرقبتك
اكسر عين الشهوة بملكوت النسيان
واكتب اورادك فى الجو..
***************

عينك نار
من قلبك
بتكح تراب
نبضك قل
والبسمة
المحفوظة فتلاجة الاحلام الوردى
جالها هبوط
واديك المشلولة بتصرخ منك
اوراقك محروقة
وانت .. مستنى اللعبة السحرية
واقف فى الكواليس مستنى السينة.. والعرض بيخلص.

************

فيلسوف

يا فيلسوف عصرك يا كلب
يا خط سير
عدوه كتير
دهسوا ترابك بالجزم
كسروا رصيفك لما حسوا بالامان
وانت .. جبان
رافض تغير موقعك
جدرك مقلق تقطعوا لتعيش وحيد
بين الصناديق اللى مليانة عفن
لكن
لها دورة حياة
خليك كدة دورة مياه
من غير بيبان.