هى خطوة
.. امشيها صح
يا اما بَح
وتبقى ملح وداب فى ميه معدنية
والازازة مكسَّرة ..
خرارة
فالحارة الغبية
مجارى طافحة وريحة تعمى ..
كابوس لبوس رجلك ابوس لتحل عن حلمى العبيط ..
حِلك من الحل اللى طول عمق المحيط ..
انا حَلِّى حلو ووحوى محوى وقرصة التِعبان بموت ..
تَعبان قوى من كتر هز الرجل والتخبيط على الترابيزة
وبضيَّع فوقت ثمين
سمين
غطريف لعين
كَل حظى فى الدنيا و حلى برغيفين
متكسرين
ناشفين
بكوز ميه يلين
بيكوز
يجوز البيه يكح
تسح دمعة من عنيا عليه
يجوع تانى ياكلنى .
.ييجى يهضم
ما اتهضمشى
وابقى صرف ..
كنت فعل ما لهش نوع ممنوع من الصرف
وبعيش ميت
خريفى ربيع بشَر
بيبيعنى علشان ينتشر
و الورد يضحك بعد غيبة ..
العيبة
فيا ولا فى الدنيا الغبية
ليه
ما كنتش كوز درة
ياكلنى عيل
ولا ابقى زيت قلية
